Малайзиянинг Куала-Лумпур шаҳрида 2020 йилда Токиода бўлиб ўтадиган Олимпиаданинг аёллар ўртасидаги футбол мусобақаси 2-саралаш босқичига қуръа ташлаш маросими бўлиб ўтди.
Қуръага кўра 12та терма жамоа қуйидаги гуруҳларга бўлинди:
«А»
Мьянма
Ҳиндистон
Индонезия
Непал
«B»
Вьетман
Иордания
Гонконг
Ўзбекистон
«C»
Хитой Тайпейи
Эрон
Филиппин
Фаластин
«А» гуруҳи саралаш ўйинлари Мьянмада, «B» гуруҳи саралаш баҳслари  Ўзбекистонда, «С» гуруҳ баҳслари эса Фаластинда бўлади.
Токио-2020 Олимпиадасининг аёллар ўртасидаги футбол мусобақаси 2-саралаш босқич ўйинлари шу йилнинг 1-9 апрель кунлари бўлиб ўтади. Гуруҳларда биринчи ўринни қўлга киритган 3та терма жамоа 3-босқичга йўл олади. Учинчи босқичда бу жамоаларга Шимолий Корея, Жанубий Корея, Австралия, Тайланд ва Хитой жамоалари қўшилади. Кейин 8та терма жамоа икки гуруҳга бўлинган ҳолда саралаш баҳсларини ўтказишади.

Гуруҳларда биринчи ва иккинчи ўринни қўлга киритган терма жамоалар 4-босқичга йўл олишади. 4-босқичда «А» гуруҳида 1-ўринни қўлга киритган терма жамоа «В» гуруҳида 2-ўринни эгаллаган жамоа билан, «В» гуруҳида 1-ўринни олган «А» гуруҳининг 2-жамоаси билан куч синашади. 2та терма жамоа Токио-2020 Олимпиадаси йўлланмасига эга бўлади. Япония терма жамоаси мусобақа мезбони бўлгани учун саралашлардан озод қилинган.

Манба: ufa.uz